Current Affairs Telugu Daily

తెలంగాణ రాష్ట్రంలో సఫ్రాన్‌ వైమానిక పరిశ్రమ
ఫ్రాన్స్‌కు చెందిన ప్రసిద్ధ విమానాల విడిభాగాల తయారీ సంస్థ ‘సఫ్రాన్‌’ హైదరాబాద్‌లో రూ.290 కోట్లతో పరిశ్రమను ఏర్పాటు చేయడానికి ముందుకొచ్చింది. శంషాబాద్‌లోని జీఎంఆర్‌ ప్రత్యేక ఆర్థిక మండలి సమీపంలో స్థాపించనున్న ఈ పరిశ్రమలో విమాన లీఫ్‌ టర్బోఫ్యాన్‌ ఇంజిన్ల విడిభాగాలు తయారుచేస్తారు.
ఈ పరిశ్రమ ద్వారా 50 మంది నిపుణులు, మరో 300 మంది స్థానికులకు ఉపాధి లభిస్తుంది. సంస్థ సీఈవో ఫిలిప్‌ పెటిట్‌కొలిన్‌ ప్రగతిభవన్‌లో ముఖ్యమంత్రి కేసీఆర్‌తో సమావేశమై ఈ మేరకు తన నిర్ణయాన్ని వెల్లడించారు.
తెలంగాణలో మరో ప్రతిష్ఠాత్మక సంస్థ ద్వారా వైమానిక పరిశ్రమ ఏర్పాటు కావడం గర్వకారణమని ముఖ్యమంత్రి కేసీఆర్‌ ఆనందం వ్యక్తంచేశారు. ఈ భేటీలో తెలంగాణ పరిశ్రమల శాఖ ముఖ్యకార్యదర్శి జయేశ్‌ రంజన్‌, ఇతర అధికారులు పాల్గొన్నారు.

views: 940

June Month Telugu Current Affairs e-Magazine
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams