Current Affairs Telugu Daily

యూఎస్‌-బంగ్లా విమాన ప్రమాదంపై దర్యాప్తు కమిటీ నివేదిక వెల్లడి
పైలట్‌ ధూమపానం, మానసిక ఒత్తిడికి లోనవడం వంటి  కారణాలే యూఎస్‌-బంగ్లా ఎయిర్‌లైన్స్‌ విమానం దుర్ఘటనకు కారణమని తేలింది.
  • 2018 మార్చిలో జరిగిన బొంబార్డియెర్‌ యూబీజీ-211 విమానం దుర్ఘటనకు సంబంధించి కాక్‌పిట్‌ వాయిస్‌ రికార్డర్‌(సీవీఆర్‌) ద్వారా కారణాలను గుర్తించారు.
  • దుర్ఘటనపై దర్యాప్తు కోసం ఏర్పాటు చేసిన కమిటీ సీవీఆర్‌ను పరిశీలించి విమానం ప్రయాణిస్తుండగానే పైలట్‌ ధూమపానం చేసినట్లు తేల్చిందని ఓ వార్తాసంస్థ వెల్లడించింది.
  • పైలట్‌ అప్పటి పరిస్థితులపై అవగాహన, నియంత్రణ కోల్పోవడం కారణంగానే ప్రమాదం జరిగినట్లు కమిటీ స్పష్టం చేసింది. దుర్ఘటనకు పైలట్‌ మానసిక ఒత్తిడి కూడా కారణమని కమిటీ నివేదిక వెల్లడించింది. ఓ మహిళా సహోద్యోగితో విభేదాల కారణంగా పైలట్‌ ఒత్తిడికి లోనైనట్లు వెల్లడించింది.
  • 2018 మార్చి 12న ఢాకా నుంచి నేపాల్‌ రాజధాని ఖాట్మండ్‌ వెళ్తున్న యూఎస్‌-బంగ్లా ఎయిర్‌లైన్స్‌ త్రిభువన్‌ అంతర్జాతీయ విమానశ్రయంలో దిగిన వెంటనే రన్‌వే పైనుంచి కిందికి జారి నిప్పంటుకోవడం ద్వారా జరిగిన ప్రమాదంలో 51 మంది ప్రయాణికులు దుర్మరణం చెందారు.
  • దుర్ఘటనపై దర్యాప్తు చేపట్టిన కమిటీ తన నివేదికను నేపాల్‌ ప్రభుత్వానికి సమర్పించింది. ప్రమాదం సమయంలో విమానం సిబ్బందికి, ఎయిర్‌ట్రాఫిక్‌ కంట్రోర్‌ మధ్య కమ్యూనికేషన్‌ విషయంలో గందరగోళం తలెత్తినట్లు గుర్తించారు.  
  • డిప్రెషన్‌ బాధితుడైన సదరు కెప్టెన్‌ 1993లో బంగ్లాదేశ్‌ వైమానిక దళం నుంచి బయటికి వచ్చారు. తర్వాత పౌర విమానాలు నడిపేందుకు అర్హత సంపాదించారు.
........
బంగ్లాదేశ్‌ 
రాజధాని : ఢాకా
Capital : Dhaka
అధ్యక్షుడు : అబ్దుల్‌ హమిద్‌
President : Abdul Hamid
Prime Minister : Sheikh Hasina
ప్రధానమంత్రి : షేక్‌ హసీనా 
కరెన్సీ : టాకా
Currency: Taka

views: 633

June Month Telugu Current Affairs e-Magazine
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams