Current Affairs Telugu Daily
| Event-Date: | 18-Jan-2019 |
| Level: | Local |
| Topic: | Govt Schemes and Programmes |
తెలంగాణ శాసనసభ సమావేశాలు ప్రారంభం
- ప్రొటెం స్పీకర్‌గా నియమితులైన మజ్లిస్‌ ఎమ్మెల్యే ముంతాజ్‌ అహ్మద్‌ఖాన్‌ ముఖ్యమంత్రి కేసీఆర్‌తో పాటు మొత్తం 114 మంది ఎమ్మెల్యేలతో అసెంబ్లీలో ప్రమాణం చేయించారు.
- తెలంగాణ తొలి శాసనసభకు ప్రాతినిధ్యం వహించిన 76 మంది ఎమ్మెల్యేలు తిరిగి ఎన్నికయ్యారు.
- 23 మంది తొలిసారి శాసనసభలో అడుగుపెట్టారు.
- సభలో అత్యంత సీనియర్‌ సభ్యుడు ముఖ్యమంత్రి కేసీఆర్‌. ఇప్పటి వరకూ ఆయన ఉపఎన్నికతో పాటు 8 సార్లు శాసనసభకు ఎన్నికయ్యారు. తరువాత స్థానంలో ఎర్రబెల్లి దయాకర్‌రావు, రెడ్యానాయక్‌, ముంతాజ్‌ అహ్మద్‌ఖాన్‌ ఉన్నారు.
- ఉప ఎన్నికలతో కలిపి హరీశ్‌రావు, ఈటల రాజేందర్‌, కొప్పుల ఈశ్వర్‌, పోచారం శ్రీనివాస్‌రెడ్డిలు ఆరుసార్లు శాసనసభ్యులుగా ఎన్నికయ్యారు.
- కొత్తగూడెం ఎమ్మెల్యే వనమా వెంకటేశ్వరరావు (73) ఈ సభలో ఎక్కువ వయసున్న సభ్యుడు. ఇల్లెందు ఎమ్మెల్యే బానోతు హరిప్రియ (33) పిన్న వయస్కురాలు
- తెలంగాణ శాసనసభలో మొత్తం 119 స్థానాలకుగాను 88 మంది టీఆర్‌ఎస్‌ సభ్యులున్నారు. కాంగ్రెస్‌కు 19, మజ్లిస్‌కు 7, టీడీపీకి ఇద్దరు, బీజేపీ తరఫున ఒక సభ్యుడు ఉన్నారు. ఆల్‌ఇండియా ఫార్వర్డ్‌ బ్లాక్‌ తరఫున ఒకరు, స్వతంత్ర అభ్యర్థిగా ఒకరు గెలిచారు.
- కొత్తగా ఎన్నికైన సభ్యుల్లో నలుగురు గతంలో వేర్వేరు చట్టసభలకు ప్రాతినిధ్యం వహించారు. మేడ్చల్‌ నుంచి ఎన్నికైన మల్లారెడ్డి, చెన్నూరు నుంచి గెలిచిన బాల్క సుమన్‌ లోక్‌సభ సభ్యులుగా పనిచేశారు.
- మునుగోడు నుంచి ఎన్నికైన కోమటిరెడ్డి రాజగోపాల్‌రెడ్డి గతంలో లోక్‌సభ, శాసనమండలికి ప్రాతినిథ్యం వహించారు. కొడంగల్‌ నుంచి గెలుపొందిన పట్నం నరేందర్‌రెడ్డి ఎమ్మెల్సీగా పని చేశారు.
- గతంలో ఉమ్మడి ఆంధ్రప్రదేశ్‌ శాసనసభకు ప్రాతినిథ్యం వహించి, తెలంగాణ తొలి శాసనసభలో లేని 16 మంది ఈసారి మళ్లీ ఎన్నికయ్యారు
- మొదటి శాసనసభకు నామినేట్‌ అయిన స్టీఫెన్‌సన్‌ 2వ శాసనసభకు కూడా నామినేట్‌ అయ్యారు.
views: 706
June Month Telugu Current Affairs e-Magazine
Download
Download
Current affairs for TSPSC, APPSC (group-1, group-2, ....etc),
UPSC, BSRB, RRB and all other competitive exams