Current Affairs Telugu Daily

పండ్ల  ఉత్పత్తిలో అగ్రస్థానంలో ఆంధ్రప్రదేశ్ రాష్ట్రం
పండ్ల ఉత్పత్తిలో ఏపీ సత్తా చాటింది. ఉత్తరప్రదేశ్, మహారాష్ట్ర లాంటి పెద్ద రాష్ట్రాలను వెనక్కి నెట్టి అగ్రస్థానం దక్కించుకుంది. 2017-18 సంవత్సరంలో 14,012.81 వేల మెట్రిక్ టన్నుల పండ్ల ఉత్పత్తితో ఈ ఘనత సాధించింది. దేశం మొత్తం ఉత్పత్తిలో 15% ఆంధ్రప్రదేశ్ నుంచే జరగడం వివేషం. ఏటా అగ్ర స్థానంలో నిలిచే మహారాష్ట్ర, యూపీ రాష్ట్రాలు ఈసారి వరసగా 10,609.36 వేల మెట్రిక్ టన్నులు, 10,521.77 వేల మెట్రిక్ టన్నుల ఉత్పత్తితో వరసగా రెండు, మూడు స్థానాలను దక్కించుకున్నాయి. తర్వాతి స్థానాల్లో గుజరాత్ (9,026.79 వేల మె.ట.), మధ్యప్రదేశ్ (7,402.73 వేల మె.ట.) ఉన్నాయి.
తెలంగాణ రాష్ట్రం నుంచి 1,755.70 వేల మెట్రిక్ టన్నుల పండ్ల ఉత్పత్తి జరిగింది. వ్యవసాయ శాఖకు చెందిన హార్టికల్చర్ స్టాటిస్టిక్స్ డివిజన్ ఈ గణాంకాలను విడుదల చేసింది. 
పండ్ల ఉత్పత్తిలో సంప్రదాయకంగా అగ్రస్థానంలో ఉండే యూపీ, మహారాష్ట్రను వెనక్కినెట్టి ఆంధ్రప్రదేశ్ దేశంలోనే అగ్రస్థానంలో నిలబడటం పట్ల ముఖ్యమంత్రి చంద్రబాబు నాయుడు హర్షం వ్యక్తం చేశారు. ఉద్యానపంటలపై ప్రభుత్వం పెట్టిన ప్రత్యేక శ్రద్ధ వల్లే ఇది సాధ్యమైందని పేర్కొన్నారు.

views: 853

June Month Telugu Current Affairs e-Magazine
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams