Current Affairs Telugu Daily

మాజీ భర్తపై కూడా గృహహింస కేసు పెట్టొచ్చు : సుప్రీంకోర్టు
గృహహింస నిరోధక చట్టం కింద మాజీ భర్తపై కూడా మహిళలు ఫిర్యాదు నమోదు చేయొచ్చని సుప్రీంకోర్టు తెలిపింది. విడాకులు మంజూరైనా వేధింపులకు తెగబడితే ఈ చట్టాన్ని ఆశ్రయించొచ్చని స్పష్టీకరించింది. ఈ అంశంపై జస్టిస్‌ రంజన్‌ గొగోయి, జస్టిస్‌ ఆర్‌ భానుమతి, జస్టిస్‌ నవీన్‌ సిన్హాలతోకూడిన ధర్మాసనం విచారణ చేపట్టింది. వైవాహిక బంధంలో లేనప్పటికీ బాధిత మహిళకు న్యాయం జరిగేలా కోర్టు చర్యలు తీసుకోవచ్చని ఇదివరకు రాజస్థాన్‌ హైకోర్టు ఇచ్చిన తీర్పులో కలగజేసుకునేందుకు నిరాకరించింది.
  • హైకోర్టు తీర్పుతో విభేదిస్తూ ఓ మాజీ భర్త దాఖలు చేసిన అభ్యర్థననూ తోసిపుచ్చింది. ‘వేధింపులకు పాల్పడిన వ్యక్తితో జీవితంలో ఏదోఒక సమయంలో బాధితురాలు వైవాహిక బంధంలో పాల్గొంటే గృహహింస నిబంధనలు వర్తిస్తాయి. చట్టం అమలులోకి రాకముందు వైవాహిక బంధంలోవున్నా సరే..’అని ఆనాడు హైకోర్టు తీర్పునిచ్చింది. ‘విడాకులు తీసుకున్న అనంతరం భార్య పనిచేస్తున్నచోటుకు వచ్చి ఇబ్బంది పెట్టడం, మళ్లీ బంధం పెట్టుకొనేందుకు ప్రయత్నించడం, ఆమె కుటుంబ సభ్యులపై హింసకు పాల్పడటం లాంటి చర్యలకు మాజీ భర్తలు తెగబడితే.. మహిళలు గృహహింస చట్టాన్ని ఆశ్రయించొచ్చు’అని తెలిపింది. 

views: 853



Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams