Current Affairs Telugu Daily

అమెరికాలో OPT కింద అనుమతి పొందిన విద్యార్థుల్లో భారతీయులే ఎక్కువ 
అమెరికాలో చదువుకున్న విదేశీ విద్యార్థుల్లో అక్కడే ఉండి పని చేయడానికి అధికారికంగా అనుమతి పొందిన వారిలో భారతీయు మొదటి స్థానంలో నిలిచారు. 2004 నుంచి 2014 మధ్య గణాంకాలపై ప్యూ రీసెర్చి చేసిన అధ్యయనంలో ఈ విషయం వెల్లడయింది.
  • 2వ స్థానంలో చైనా వారు, 3వ స్థానంలో దక్షిణకొరియా విద్యార్థులు నిలిచారు.
  • 2004-2016 మధ్య OPT (ఆప్షనల్‌ ప్రాక్టికల్‌ ట్రైనింగ్‌) కింద 4,41,000 మంది భారతీయ విద్యార్థులు పని చేసుకోవడానికి అనుమతి పొందారని, ఈ సంఖ్య.. మొత్తం విద్యార్థుల్లో 30 శాతమని ప్యూ రీసెర్చి తెలిపింది.
  • OPT కింద అనుమతి పొందిన చైనా విద్యార్థులు 3,13,500 మంది (21శాతం), దక్షిణ కొరియా విద్యార్థులు 90,800 మంది (ఆరు శాతం).
  • విదేశీ విద్యార్థులు ఎఫ్‌1 వీసా కింద 12 నుంచి 36 నెలల పాటు తాత్కాలికంగా పని చేసుకునేందుకు దొరికే అనుమతే OPT. అభ్యర్థులు తమ చదువుకు సంబంధించిన రంగంలోనే ఈ కార్యక్రమం కింద పని చేయాల్సి ఉంటుంది.
OPT-Optional Practical Training

views: 847



Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams