Current Affairs Telugu Daily

ఆంధ్రప్రదేశ్‌ 2017-18 జీడీడీపీ గణాంకాలు 
ఆంధ్రప్రదేశ్‌ రాష్ట్ర ప్రజల తలసరి అప్పు రూ.42,324కి పెరిగింది. 2016-17తో పోలిస్తే 2017-18లో 10 శాతానికి పైగా అధికమైంది. అప్పటికీ ఇప్పటికీ తేడా రూ.4,292. తలసరి ఆదాయం రూ.18,390 పెరిగింది. జాతీయ స్థాయిలో తలసరి ఆదాయం రూ.1,12,764 ఉంది. దాంతో పోలిస్తే రాష్ట్ర ప్రజల తలసరి ఆదాయం రూ.29,290 అధికం.
  • 2017-18లో ఆంధ్రప్రదేశ్‌లో జిల్లాల వారీగా తలసరి ఆదాయంలో కృష్ణా జిల్లా రూ.1,89,121తో మొదటి స్థానంలో నిలిచింది. విశాఖ, పశ్చిమగోదావరి జిల్లాలు రెండు, మూడు స్థానాల్లో ఉన్నాయి. రూ.99,792తో శ్రీకాకుళం జిల్లా అట్టడుగున ఉంది. మొదటి నాలుగు స్థానాల్లో నిలిచిన కృష్ణా, విశాఖ, పశ్చిమగోదావరి, నెల్లూరు  జిల్లాల్లో తలసరి ఆదాయం, రాష్ట్ర సగటు కంటే ఎక్కువగా ఉంది.
  • 2018 మే 8న జరిగిన కలెక్టర్ల సదస్సులో ప్రణాళికా విభాగం ఈ వివరాలను విడుదల చేసింది.
  • 2017-18 ఆర్థిక సంవత్సరంలో స్థూల జిల్లా ఉత్పత్తి (జీడీడీపీ)లో కృష్ణా జిల్లా రాష్ట్రంలోనే అగ్రస్థానంలో నిలవగా, విజయనగరం అట్టడుగున నిలిచింది. ఆ ఆర్థిక సంవత్సరానికి సంబంధించి స్థూల రాష్ట్ర ఉత్పత్తి (జీఎస్‌డీపీ) రూ.8,03,873 కోట్లు కాగా..అందులో అత్యధిక శాతం వాటా (రూ.97,059 కోట్లు) కృష్ణా జిల్లా నుంచి సమకూరగా, అత్యల్ప  వాటా (రూ.28,360 కోట్లు) విజయనగరం నుంచి వచ్చింది. 
  • పారిశ్రామిక, సేవా రంగాల్లో విశాఖపట్నం అగ్రస్థానంలో ఉంది
  • వ్యవసాయ అనుబంధ రంగాల్లో కృష్ణా జిల్లా మొదటి స్థానం దక్కించుకుంది. 
  • వ్యవసాయ-అనుబంధ రంగాల్లో శ్రీకాకుళం, పారిశ్రామిక, సేవా రంగాల్లో విజయనగరం జిల్లాలు అట్టడుగున ఉన్నాయి. 
  • పారిశ్రామిక, సేవా రంగాల్లో ప్రథమ స్థానంలో నిలిచిన విశాఖపట్నం వ్యవసాయ-అనుబంధ రంగాల్లో చివరి నుంచి మూడో స్థానంలో ఉంది. 
  • వ్యవసాయ అనుబంధ రంగాలు, సేవా రంగంలో మొదటి రెండు స్థానాల్లో నిలిచిన కృష్ణా జిల్లా పారిశ్రామికంగా నాలుగో స్థానంలో ఉంది. 
  • పారిశ్రామిక రంగంలో వెనుకబడిన అనంతపురం వ్యవసాయ అనుబంధ రంగాల్లో అయిదో స్థానంలో నిలిచింది.
  • ఆంధ్రప్రదేశ్‌ రాష్ట్ర ఆర్థిక సంస్థ (ఏపీఎస్‌ఎఫ్‌సీ) ఇచ్చిన రుణాల మీద వడ్డీ రూపేణా వచ్చిన ఆదాయంలో 3.2 శాతం వృద్ధి నమోదైంది. 2017-18 సంవత్సరం ఫలితాలను సంస్థ విడుదల చేసింది. 2018 మార్చి 31తో ముగిసిన ఆర్థిక సంవత్సరంలో రూ.280.26 కోట్ల ఆదాయం రాగా.. అంతకుముందు సంవత్సరం రూ.270.38 కోట్లు ఆర్జించింది. ఖర్చు రూ.61.55 కోట్ల నుంచి రూ.55.11 కోట్లకు తగ్గినట్లు ఫలితాలు వెల్లడించాయి.
  • పశుపోషణలో ప్రకాశం, మత్స్య పరిశ్రమలో కృష్ణా, తయారీ రంగంలో విశాఖపట్నం ప్రథమ స్థానంలో నిలిచాయి
  • 2017-18 ఆర్థిక సంవత్సరానికి సంబంధించి వ్యవసాయం-అనుబంధ, పారిశ్రామిక, సేవా రంగాల్లోని 14 ఉప రంగాల నుంచి సమకూరిన స్థూల విలువ జోడింపు (జీవీఏ) ఆధారంగా ఆయా ఉప రంగాల్లో మొదటి మూడు స్థానాల్లో ఉన్న జిల్లాల జాబితాను రాష్ట్ర ప్రభుత్వం ప్రకటించింది.

views: 1210

June Month Telugu Current Affairs e-Magazine
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams