Current Affairs Telugu Daily

మూత్రపిండాలపై పరిశోధనలకు తాహిర్‌ హుస్సేన్‌కు రూ.10.7 కోట్లు 
ఊబకాయంతో మూత్రపిండాలు దెబ్బతినకుండా రక్షణ కల్పించే ఔషధాల తయారీ దిశగా విస్తృత పరిశోధనలు చేసేందుకుగాను భారతీయ అమెరికన్‌ ప్రొఫెసర్‌ తాహిర్‌ హుస్సేన్‌కు నేషనల్‌ ఇనిస్టిట్యూట్స్‌ ఆఫ్‌ హెల్త్‌ నుంచి దాదాపు రూ.10.7 కోట్ల భారీ మొత్తం మంజూరైంది.
  • సాధారణంగా మూత్రపిండాల్లోని కొన్ని కణాలు ‘ఆంజియోటెన్సిన్‌ టైప్‌ 2 రిసెప్టార్‌(ఏటీ2ఆర్‌)’ అనే ప్రోటీన్‌ను విడుదల చేస్తుంటాయని తాహిర్‌ తెలిపారు.
  • ఊబకాయం కారణంగా మూత్రపిండాల్లో తీవ్రమైన వాపు, మంట సంభవించకుండా రక్షణగా నిలిచే సామర్థ్యం ఈ ప్రోటీన్‌ సొంతమని వెల్లడించారు.
  • అయితే, ‘ఏటీ2ఆర్‌’ శరీరంలో పెద్దగా క్రియాశీలంగా ఉండదని పేర్కొన్నారు. ఔషధాలతో ఈ ప్రోటీన్‌ను క్రియాశీలం చేయగలిగితే.. ఊబకాయుల్లో మూత్రపిండాలు దెబ్బతినకుండా కాపాడవచ్చునని వివరించారు.
  • తాహిర్‌ ప్రస్తుతం హ్యూస్టన్‌ విశ్వవిద్యాలయంలో ఔషధ విజ్ఞానశాస్త్ర విభాగం ప్రొఫెసర్‌గా పనిచేస్తున్నారు.

views: 743



Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams