Current Affairs Telugu Daily

జిన్‌పింగ్‌ ప్రత్యర్థి సున్‌ జేంగ్‌కయీకి జీవిత ఖైదు
జిన్‌పింగ్‌ తర్వాత చైనా అధ్యక్షుడు అవుతారనుకున్న కమ్యూనిస్ట్‌పార్టీ మాజీ సీనియర్‌ నేత సున్‌ జేంగ్‌కయీకి జీవిత ఖైదు పడింది. లంచం కేసులో ఆయనకు తియాంజిన్‌ మున్సిపాలిటీ ఫస్ట్‌ ఇంటర్మీడియేట్‌ పీపుల్స్‌ కోర్టు 2018 మే 8న ఈ శిక్షను విధించింది. జీవితకాలం పాటు ఆయన రాజకీయ హక్కులను రద్దు చేసింది. సున్‌ వ్యక్తిగత ఆస్తుల జప్తునకు కూడా ఆదేశించింది. 2002-17 మధ్య వివిధ హోదాల్లో పనిచేసిన సున్‌ 26.7 మిలియన్‌ డాలర్ల మేర లంచాలు పుచ్చుకున్నట్లు నిర్ధారించింది. 
  • అధ్యక్షునిగా జిన్‌పింగ్‌ తొలిసారి బాధ్యతలు చేపట్టినప్పుడు కమ్యూనిస్ట్‌ పార్టీ పొలిట్‌బ్యూరో సభ్యునిగా సున్‌ ఉండేవారు. క్రమంగా పార్టీలో ఆయన ఆధిపత్యం పెరుగుతూ వచ్చింది.
  • ఈ నేపథ్యంలోనే జిన్‌పింగ్‌ నుంచి అధికారాన్ని హస్తగతం చేసుకునేందుకు సున్‌ కుట్ర పన్నినట్లు ఆరోపణలొచ్చాయి.
  • 2017 అక్టోబరులో జాతీయ సదస్సు (కాంగ్రెస్‌)కు ముందే పార్టీ నాయకత్వం ఆయనను బహిష్కరించింది.
  • తర్వాత రెండోసారి అధ్యక్షునిగా జిన్‌పింగ్‌ పట్టాభిషేకానికి కాంగ్రెస్‌ ఆమోదించడం, ఒక వ్యక్తి గరిష్ఠంగా రెండుసార్లు మాత్రమే అధ్యక్షునిగా బాధ్యతలు చేపట్టాలన్న నిబంధనను పార్లమెంటు ఎత్తివేయడం చకచకా జరిగిపోయాయి.
  • 2013లో జిన్‌పింగ్‌ అధికారం చేపట్టింది మొదలు అవినీతి నిర్మూలన పేరుతో తన వ్యతిరేకులపై ఆయన ఉక్కుపాదం మోపుతున్నారన్న విమర్శలున్నాయి.

views: 763

June Month Telugu Current Affairs e-Magazine
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams