Current Affairs Telugu Daily

బంగాళాఖాతం గర్భంలో భారీ స్థాయిలో ఖనిజ సంపద 
బంగాళాఖాతం గర్భంలో భారీ స్థాయిలో ఖనిజ సంపద నిక్షిప్తమై ఉన్నట్లు భారతీయ భూవైజ్ఞానిక సర్వేక్షణ (జియోలాజికల్‌ సర్వే ఆఫ్‌ ఇండియా) పరిశోధనల్లో వెల్లడైంది. ఆంధ్రప్రదేశ్‌లోని విశాఖ జిల్లా పూడిమడక నుంచి ఒడిశాలోని పారాదీప్‌ వరకు 580 కిలోమీటర్ల విస్తీర్ణం ఉన్న తీరంలోని సాగరగర్భంలో దాదాపు రూ.46 వేల కోట్ల విలువైన భారలోహ ఖనిజ నిక్షేపాలున్నట్లు శాస్త్రవేత్తల అన్వేషణలో తేలింది. దీనికి సంబంధించిన నివేదికను జీఎస్‌ఐ అధికారులు కేంద్ర ప్రభుత్వానికి సమర్పించారు.
  • టెండర్ల ద్వారా వీటి వెలికితీతే మిగిలింది. ఇందులో వచ్చే ఆదాయంలో ఆంధ్రప్రదేశ్‌, ఒడిశా వాటా ఎంత? అనేది తేలాల్సి ఉంది. వివిధ పరిశోధనల్లో వినియోగించే ఈ భార ఖనిజాల ఆదాయం రాష్ట్రాభివృద్ధికి ఉపకరించనుంది.
  • జియోలాజికల్‌ సర్వే ఆఫ్‌ ఇండియా మిషన్‌-1ఎలో భాగంగా చేపట్టిన అన్వేషణలో తూర్పు కోస్తా పరిధిలోని విశాఖపట్నం మెరైన్‌ అండ్‌ కోస్టల్‌ సర్వే విభాగం పరిధిలో అన్వేషణ సాగింది. ఒడిశాతోపాటు ఉత్తరాంధ్ర పరిధిలోని బారువ, భావనపాడు, సంతపల్లి, భీమునిపట్నం, పూడిమడక, గోపాల్‌పూర్‌, పాలూరు ప్రాంతాల్లోని సముద్రగర్భంలో నిక్షేపాలను గుర్తించారు.
  • తీరానికి పది నాటికల్‌ మైళ్ల దూరంలో 260 బ్లాకుల్లో 38.4 టన్నుల భార లోహాలు నిల్వ ఉన్నాయి. అంతర్జాతీయ మార్కెట్‌లో దీని విలువ రూ.46 వేల కోట్లుంటుందని అంచనా. జీఎస్‌ఐ నివేదిక ఆధారంగా కేంద్రం చర్యలకు ఉపక్రమించనుంది. 

views: 910



Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams