Current Affairs Telugu Daily

కథువా కేసు పఠాన్‌కోట్‌కు బదిలీ
జమ్మూకశ్మీర్‌లోని కథువాలో జరిగిన సామూహిక అత్యాచారం, హత్య కేసు విచారణను పంజాబ్‌లోని పఠాన్‌కోట్‌కు మార్చాలని సుప్రీం కోర్టు 2018 మే 7న ఆదేశించింది. ‘‘భయోత్పాతం, నిష్పాక్షిక విచారణ ఏకకాలంలో సాగవు’’ అని వ్యాఖ్యానించింది.
  • విచారణ రోజువారీగా, రహస్యంగా జరగాలని పేర్కొంది. పఠాన్‌కోట్‌లోని జిల్లా సెషన్స్‌ జడ్జి దీన్ని ప్రత్యక్షంగా చేపట్టాలని ఆదేశించింది. తమకు బెదిరింపులు వస్తున్నందు వల్ల కేసు విచారణను చండీగఢ్‌కు బదిలీ చేయాని బాధితురాలి తండ్రి దాఖలు చేసిన పిటిషన్‌పై ప్రధాన న్యాయమూర్తి జస్టిస్‌ దీపక్‌ మిశ్ర, జస్టిస్‌ డి.వై.చంద్రచూడ్‌, జస్టిస్‌ ఇందు మల్హోత్రతో కూడిన ధర్మాసనం ఈ మేరకు స్పందించింది.
  • కేసు విచారణపై విధించిన స్టేను కూడా ఎత్తివేసింది. కేసును సీబీఐకి అప్పగించడానికి నిరాకరించింది. ఈ కేసు విచారణ బాధ్యతను మరే ఇతర సెషన్స్‌ న్యాయమూర్తులకు అప్పగించరాదని పఠాన్‌కోట్‌ జిల్లా, సెషన్స్‌ జడ్జీని ఆదేశించింది. ఈ అంశానికి సంబంధించి ఎలాంటి పిటిషన్లను ఏ కోర్టూ చేపట్టరాదని స్పష్టం చేసింది. 

views: 734

6 Months Telugu Current Affairs Practice Bits
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams