Current Affairs Telugu Daily

దేవాలయాలకు రాయితీపై విగ్రహాలు, మైక్‌సెట్లు, గొడుగులు : టీటీడీ
సనాతన హిందూ ధర్మప్రచారంలో భాగంగా దేవాలయాలకు రాతి, పంచలోహ విగ్రహాలు, మైక్‌సెట్లు, గొడుగులను రాయితీపై అందిస్తున్నట్లు తిరుమల తిరుపతి దేవస్థానం 2018 ఏప్రిల్‌ 15న వెల్లడించింది.
  • రాతి విగ్రహాల విలువ వాటి కొలత ఆధారంగా ఉంటుంది.
  • ఎస్సీ, ఎస్టీలకు ఉచితంగా, బీసీలు, ఇతరులకు 75 శాతం రాయితీపై అందిస్తున్నారు.
  • పంచలోహ విగ్రహాల విలువ కూడా కొలతల ఆధారంగానే ఉంటుంది.
  • ఎస్సీ, ఎస్టీలకు 90 శాతం రాయితీ, బీసీ, ఇతరులకు 75 శాతం రాయితీపై అందజేస్తున్నారు.
  • మైక్‌సెట్లకు సంబంధించి ఎస్సీ, ఎస్టీలకు 90 శాతం, బీసీ, ఇతరులకు 50 శాతం రాయితీతో ఇస్తారు.
  • గొడుగులను మాత్రం అందరికీ 50శాతం రాయితీపై టీటీడీ అందించనుంది.
  • స్థానిక తహసీల్దారు నుంచి ఆలయ పరిధిలో ఎస్సీ, ఎస్టీలు నివసిస్తున్నట్లు ధ్రువీకరణ పత్రం, జిల్లా దేవాదాయ శాఖ సహాయ కమిషనర్‌ సిఫారసు లేఖతో టీటీడీ కార్యనిర్వహణాధికారి లేదా పాలకమండలి అధ్యక్షులకు ఆలయ నిర్వాహకులు దరఖాస్తు చేసుకోవాలి.
  • సంబంధిత దరఖాస్తుతో పాటు ఆలయ ఫొటో, దేవాలయం నమూనా, దరఖాస్తు చేస్తున్న వారి చిత్రాన్ని కూడా జత చేయాల్సి ఉంటుంది.

views: 914



Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams