Current Affairs Telugu Daily

ప్రపంచంలోనే తొలి వర్చువల్‌ నేత శామ్‌
ప్రపంచంలోనే కృత్రిమ మేధ(ఆర్టిఫీషియల్‌ ఇంటెలిజెన్స్‌)తో పనిచేసే తొలి వర్చువల్‌ రాజకీయ నేత శామ్‌ను న్యూజిలాండ్‌కు చెందిన ఎంటర్‌ప్రెన్యూర్‌ నిక్‌ గెర్రిట్‌సెన్‌(49) రూపొందించారు. ఫేస్‌బుక్‌ మెసెంజర్‌తో పాటు తన హోమ్‌పేజ్‌లో ఉన్న సర్వే సాయంతో విషయాల్ని నేర్చుకునే శామ్‌.. ప్రపంచవ్యాప్తంగా విద్య, వలసలు, ఇళ్లు సహా పలు అంశాల్లో ప్రజలు ఎదుర్కొంటున్న సమస్యలపై చర్చిస్తుంది. శామ్‌ ప్రస్తుతం నేర్చుకునే దశలోనే ఉందనీ దాని రూపకర్త నిక్‌ తెలిపారు. 2020లో న్యూజిలాండ్‌లో జరిగే సార్వత్రిక ఎన్నికల్లో ఓ అభ్యర్థిగా పోటీపడేలా శామ్‌ను సిద్ధం చేస్తామని వెల్లడించారు. వాతావరణ మార్పు, సమానత్వం తదితర విషయాల్లో ప్రపంచవ్యాప్తంగా భిన్నాభిప్రాయాలు ఉన్నాయని నిక్‌ అభిప్రాయపడ్డారు. శామ్‌ చట్టప్రకారం నిబంధనకు లోబడి పనిచేస్తుందన్నారు. ప్రస్తుతం న్యూజిలాండ్‌లో కృత్రిమ మేధ ఉన్న రోబోలు ఎన్నికల్లో పోటీచేయడంపై నిషేధం ఉంది. 
views: 1339



Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams