Current Affairs Telugu Daily

ఆగస్టు 15న అభినందన్‌కు వీర్‌చక్ర ప్రదానం

శత్రు సైనికుల చెరలో ఉన్నా అత్యంత ధైర్యసాహసాలు ప్రదర్శించిన వింగ్‌ కమాండర్‌ అభినందన్‌ వర్ధమాన్‌కు రేపు ‘వీర్‌చక్ర’ పురస్కారాన్ని ప్రదానం చేయనున్నారు.
*స్వాతంత్య్ర  దినోత్సవాన్ని పురస్కరించుకుని ఈ అవార్డును అందించనున్నారు. ఆయనతో పాటు ఐఏఎఫ్‌ స్క్వాడ్రన్‌ లీడర్‌ మింటీ అగర్వాల్‌కు యుద్ధసేవా పతకాన్ని ప్రదానం చేయనున్నారు. పలువురు జవాన్లకు శౌర్యచక్ర, కీర్తిచక్ర అవార్డులను కూడా అందించనున్నారు. 

ఈ ఏడాది ఫిబ్రవరి 26న బాలాకోట్‌ దాడి జరిగిన మరుసటి రోజు ఫిబ్రవరి 27న పాకిస్థాన్‌ విమానాలు మన దేశంపై దాడికి ప్రయత్నించాయి.
*ఆ సమయంలో పాక్‌ ఎయిర్‌ఫోర్స్‌కు చెందిన ఎఫ్‌-16ను అభినందన్‌ తన మిగ్‌ విమానంతో కూల్చివేసిన విషయం తెలిసిందే. ఆ తర్వాత మిగ్‌ కూడా కూలిపోవడంతో అభినందన్‌ పాక్‌ ఆక్రమిత కశ్మీర్‌లో దిగారు. 
*అయితే పాక్‌ సైనికులు ఎంత ఒత్తిడి చేసినా అభినందన్‌ మన సైన్యానికి సంబంధించిన రహస్యాలను వెల్లడించలేదు. శత్రువుల చెరలో ఉన్నప్పుడు కూడా ఎంతో ధైర్యంగా ఉన్నారు. అందుకుగానూ ఆయనను ప్రభుత్వం వీర్‌చక్రతో సత్కరించనుంది. జవాన్లకిచ్చే పరమ్‌వీర చక్ర, మహా వీరచక్ర తర్వాత మూడో అత్యున్నత పురస్కారం ఇది. 


views: 968

June Month Telugu Current Affairs e-Magazine
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams