Current Affairs Telugu Daily

బహుపార్శ్వపు పేదరిక సూచిక (మల్టీడైమన్షనల్‌ పావర్టీ ఇండెక్స్‌ – ఎంపీఐ)
 * భారత్‌లో దశాబ్ద కాలంలో 27.1 కోట్ల మంది పేదరికం నుంచి బయటపడినట్టు ఐక్యరాజ్య సమితి రూపొందించిన బహుపార్శ్వపు పేదరిక సూచిక (మల్టీడైమన్షనల్‌ పావర్టీ ఇండెక్స్‌ – ఎంపీఐ) వెల్లడించింది.
* యూఎన్‌ డెవలప్‌మెంట్‌ ప్రోగ్రామ్‌ (యూఎన్‌డీపీ), ఆక్స్‌ఫర్డ్‌ పావర్టీ అండ్‌ హ్యూమన్‌ డెవలప్‌మెంట్‌ ఇనిషియేటివ్‌ కలసి రూపొందించిన ఈ సూచిక తాలూకూ నివేదిక ప్రకారం – మన దేశం వేగంగా పేదరికాన్ని తగ్గించగలుగుతోంది. * జార్ఖండ్‌ వేగవంతమైన అభివృద్ధి దిశగా సాగుతోంది.
*  ఆ రాష్ట్రంలో పదేళ్ల(2005–6, 2015–16)కాలంలో పేదరికం 46.5 శాతం మేరకు తగ్గింది.
* ఇండియా, ఇథియోపియా, పెరూ దేశాలు పేదరికాన్ని తగ్గించడంలో చెప్పుకోదగిన రీతిలో ముందున్నాయి.
*  101 దేశాల సూచికలను ఈ నివేదికలో పొందుపరిచారు.
*  ఇందులో 31 స్వల్పాదాయ దేశాలు, 68 మధ్యాదాయ దేశాలు. ఆయా దేశాల్లో 130 కోట్ల మంది బహుముఖ పేదరికాన్ని అనుభవిస్తున్నారు.
* పేదరికాన్ని, అది ఏ రూపంలో ఉన్నా నిర్మూలించాలనేది ఐక్య రాజ్య సమితి సుస్థిర అభివృద్ధి లక్ష్యాల్లో మొదటిది. నివేదిక ఈ విషయాన్ని గుర్తు చేస్తూ 200 కోట్ల జనాభా గల 10 దేశాలు (భారత్, బంగ్లాదేశ్, కంబోడియా, కాంగో, ఇథియోపియా, హైతి, నైజీరియా, పాకిస్తాన్, పెరు, వియత్నాం) దశాబ్ది కాలంలో ఈ లక్ష్య సాధన దిశగా చెప్పుకోదగ్గ ప్రగతి సాధించాయని వెల్లడించింది.
*  పై పది దేశాల్లో పట్టణ ప్రాంతాలతో పోల్చుకుంటే గ్రామీణ ప్రాంతాలు మరింత పేదరికం మధ్య కొట్టుమిట్టాడుతున్నాయి.
* మల్టీడైమన్షనల్‌ పావర్టీ ఇండెక్స్‌ – ఎంపీఐ * (Multi Dimensional Human Poverty Index)
* అత్యంత అభివృద్ధి చెందిన OECD దేశాలు మినయించి మిగిలిన ప్రపంచ దేశాలకు 10 అంశాలు ఆధారంగా పేదరికం లెక్కిస్తారు. 
* విద్య 
1) పాఠశాల విద్య అభ్యసించిన సంవత్సరాలు 
2) పాఠశాల నమోదు నిష్పత్తి 
* ఆరోగ్యం 
3) శిశు మరణాలు 
4) పౌష్టికాహార కొరత 
* జీవన ప్రమాణాలు 
5) విద్యుచ్ఛక్తి ఉపయోగించని కుటుంబాలు 
6) పారిశుధ్య కొరత 
7) రక్షిత మంచినీటి పథకం 
8) కనీస వసతి సౌకర్యం లేనివారు 
9) వంటచెరుకు, బొగ్గు, పిడకలతో వంట చేసుకునేవారు 
10) కనీసం రేడియో, టి.వి., టెలిఫోన్, మోటారు వాహనం లేని కుటుంబం

views: 687

June Month Telugu Current Affairs e-Magazine
Download


Current affairs for TSPSC, APPSC (group-1, group-2, ....etc), UPSC, BSRB, RRB and all other competitive exams