Current Affairs Telugu Daily
| Event-Date: | 11-Jul-2019 |
| Level: | National |
| Topic: | Science and Technology |
* చంద్రయాన్‌-1 చంద్రుడి కక్ష్యలోనే తిరిగితే.. చంద్రయాన్‌-2 చంద్రుడి చుట్టూ కక్ష్యలో తిరగటమే కాదు చంద్రుడి మీద దిగుతుంది.
* చంద్రయాన్‌-1 అనుభవాలను పునాదిగా చేసుకుని ఇస్రో దీన్ని మరింత పకడ్బందీగా తీర్చిదిద్దుతోంది.
* చంద్రయాన్‌-1లోని ఎంఐపీ చంద్రుడిని ఢీ కొట్టి బద్దలైపోగా.
* చంద్రయాన్‌-2లోని ల్యాండర్‌ మాత్రం తన రాకెట్లతో వేగాన్ని నియంత్రించుకుంటూ చాలా నిదానంగా చంద్రుడి మీద దిగుతుంది.
* దానిలో నుంచి రోవర్‌ బయటకొచ్చి చంద్రుడి మీద ఆ ప్రాంతమంతా కలియదిరుగుతుంది.
* ఒక రకంగా చంద్రుడిని ఢీకొట్టటంతో మొదటిదాని ప్రస్థానం ముగిసిపోగా. చంద్రుడి మీద దిగటంతోనే చంద్రయాన్‌-2 ప్రస్థానం మొదలవుతుందని చెప్పుకోవచ్చు.
* చంద్రయాన్‌-2లో ఎంతో సూక్ష్మంగా, అత్యంత సమర్థంగా పని చేసే ఎన్నో పరికరాలు అమర్చారు.
* చంద్రయాన్‌-1లోని మొత్తం 11 పరికరాల్లో 5 మాత్రమే మనవి. కానీ చంద్రయాన్‌-2లోని మొత్తం 14 ఉపకరణాల్లో 13 మనవే.
* కేవలం లేజర్‌ రిట్రో రిఫ్లెక్టోమీటర్‌ అర్రే (ఎల్‌ఆర్‌ఏ) అనే ఒక్క పరికరాన్నే అమెరికా నుంచి తీసుకున్నారు. ఇదేమంత కీలక పరికరం కాదు.
* చంద్రయాన్‌-1 గుర్తించిన చంద్రుడి మీది నీటి (హైడ్రాక్సైల్‌ అయాన్ల) తీరు తెన్నులను చంద్రయాన్‌-2 మరింత లోతుగా పరిశోధిస్తుంది.
* ఇందుకోసం దీనిలో ఖనిజాలు, నీటి అణువుల వంటివాటిని సవివరంగా గుర్తించే ఇమేజింగ్‌ ఐఆర్‌ స్పెక్ట్రోమీటర్‌ (ఐఐఆర్‌ఎస్‌), సింథటిక్‌ అపెర్చర్‌ రాడార్‌ను ఏర్పాటు చేశారు.
* అక్కడి ఖనిజాలను మనం తవ్వితెచ్చుకునే వీలుందా అన్నదీ తెలుస్తుంది.
* చంద్రుడికి సంబంధించిన త్రీడీ మ్యాప్‌లను రూపొందించేందుకు, జాబిల్లి పుట్టుక గురించి తెలుసుకునేందుకు అవసరమైన సమారాన్ని కూడా చంద్రయాన్‌-2 సేకరిస్తుంది.
* అంతిమంగా భవిష్యత్తులో మనం అక్కడికి వెళ్లి ఆవాసం ఏర్పాటు చేసుకునే వీలుందా? అన్న ప్రశ్నకు కొంతవరకైనా కచ్చితమైన జవాబును అందిస్తుంది.
* గతంలో పంపిన చంద్రయాన్‌-1 ప్రధానంగా చంద్రుడి చుట్టూ ఓ కక్ష్యలో తిరుగుతూ.. చంద్రుడికి సంబంధించిన సమాచారాన్ని సేకరించి, భూమికి పంపింది.
* కాకపోతే చంద్రుడిపై భారత ముద్ర ఉండాలన్న ఉద్దేశంతో ఓ 35 కేజీల పరిశోధక ‘మూన్‌ ఇంపాక్ట్‌ ప్రోబ్‌’ను (ఎంఐపీ) చంద్రుడి మీదికి జారవిడిచింది.
* చంద్రుడి ఉపరితలం మీద నీరు, ఐస్‌ ఉందని గుర్తించడం చంద్రయాన్‌-1 సాధించిన సంచలన విజయం.
* చంద్రుడి మీద నీరు మనం రోజువారీ చూసే నీటి రూపం (హెచ్‌2ఓ)లో కాకుండా హైడ్రాక్సైల్‌ అయాన్ల (ఓహెచ్‌) రూపంలో ఉందని ఇది గుర్తించింది.
* చంద్రయాన్‌-1లో అమెరికా, ఐరోపా, బల్గేరియాలు కూడా తమతమ సొంత పరిశోధనల కోసం ఆరు పరికరాలను పంపాయి.
* నీటి ఆనవాళ్లను ముందుగా అమెరికా సాధనం ‘మూన్‌ మినరాలజీ మ్యాపర్‌’ పట్టుకుంది, అందుకే నీటి ఉనికి గురించి ముందు ‘నాసా’ ప్రకటించింది. ఆ తర్వాత ఇస్రో కూడా దాన్ని నిర్ధారించింది.
* భూకంపాల తరహాలోనే చంద్రకంపాలు కూడా వస్తున్నాయని, చంద్రుడి ఎగువ ఫలకాల్లో కదలికలు సంభవిస్తున్నాయని (టెక్టానిక్‌ యాక్టివిటీ) గుర్తించింది.
* అలాగే చంద్రుడిలో శాశ్వతంగా చీకటిలోనే ఉండిపోయే అనేక బిలాలను తొలిసారిగా ఫోటోలు తీసి పంపింది. చంద్రుడి ఉపరితల ‘హై రిజల్యూషన్‌ మ్యాప్‌’ను సిద్ధం చేసింది.
views: 709
Download